خطوات السلامة في حال شرب الكلور او اي مادة كيماوية عن طريق الخطأ
لو إبنك شرب كلور أو صودا
كاوية أو أى منظف في البيت...... تعمل ايه بسرعه لحد ما تروح لأقرب مركز صحي
أولا : ممنوع تماما تخليه يرجع غصب عنه .. يعنى ممنوع تشربه ماء بملح أو لبن ببيض أو تدوس على لسانه علشان يرجع او تديه فحم او تعمل له غسيل معده...
طيب ليه
علشان كده بنعرض المرىء والبلعوم والفم للمادة الكاويه دى تانى يعنى بنضره اكتر
وكمان ممكن تدخل الماده الكاوية دى فى مجرى الهواء وتؤدى بعد ذلك الى إلتهاب رئوى شديد.. يعنى زى اللى جه يكحلها عماها
ثانيا : شربه فنجان لبن وبس (بدون ماء)
طيب ليه لبن مينفعش ماء
مينفعش مياه علشان المواد الكاوية دى ممكن تكون حمض "acid" أو قلوى "alkaline" .. وممكن تتفاعل مع المياه داخل المعدة وينتج عن التفاعل ده حرارة عالية تزود المشكلة.. وتدمر انسجة المعده اكثر واكثر ..... يعنى برضه زى اللى جه يكحلها عماها
وهما شوية اللبن الصغيرين دول هيعملوا ايه
هيخففوا شوية من تركيز المادة إلى شربها .. ولو فيه حاجة واقفة فى فمه او البلعوم او المرئ هيحركوها للمعدة.
طيب ليه شوية صغيرين مش نصف كيلو لبن مثلا
علشان ما يحصلش قئ ..وقلنا قبل كده ان احداث قئ فى هذه الحالات خطير جدا
ثالثا : هو ينفع نعادل الماده اللى شربها الطفل يعنى لو هو شارب حمض أديله قلوى أو العكس علشان أقلل مفعولها
طبعا غلط لان هينتج عن ده تفاعل كيميائي وده هيسبب حرارة عالية تعمل تدمير للانسجة.
رابعاً : نقل الطفل للهواء النقى علشان يقدر يتنفس
خامسا : لو المادة الكاويه وقعت على الملابس يقلعها ونغسل جسمه🧖♂ كويس ..
سادساً : لو المادة دى وقعت على عينة👁👁 نغسلها كويس جدا بالمية لمدة ربع ساعة
وبسرعه نجرى لأقرب مركز صحي لسرعة اتخاذ الاجراءات الطبيه الازمه للطفل حسب حالته وحسب مدى سمية الماده وحسب الكميه اللى اخذها وحسب المدة اللى اتأخر فيها.....
وطبعا لازم تاخد معاك زجاجة المادة التى شرب منها الطفل....للتعرف على المادة وتحديد كيفية العلاج بسرعة.
تعليقات
إرسال تعليق